Grec ancian

Lo grec ancian ou grec antico ére l'êtat de la lengva gréca dins l'Antiquitá, de son èmergenci eu siéglo VIII avánt J.-C. tant qu'a sin èvolution por se modar en grec moderno.

Lo grec ancian devenit lo vector de la littèratura gréca antica, et particulièriment son dialecto attico, lengva prèdgiée a les Athénes.

Grammairi

Substantivo

Los substantivos se dividont en treis genros et cognoisçont los nombros singulier, duel et pluriel. Il cognoisçont de dèclinaizons avoi quattro cas : nominativo por lo sujet, accusativo por l'objet, lo gènitivo por lo complèment du nom, lo dativo por lo complèment d'objet indirecto.

Lo nom grec cognoisciet prod de modélos de dèclinaizon, mais il vignont catègorizás per los grammairins modernos en treis grands gropos.

Verbo

Lo verbo deu grec ancian cognoît moutes variations en fonctions de modos, de temps, dreit quomment lo verbo romand. El cognoît en oltre treis voix :

• la voix activa, qui indicque l'action et son autor ;
• la voix meyana, qui indicque una action faiti per son sujet por lui-meîmo, hoy èquivalt a un rèflexivo en romand ;
• la voix passiva qui indicque que l'autor de l'action la subit.

D'ensí επαιδευσαμεν volt dire nos èducquémos, επαιδευσαμεθα a la voix meyana volt dire nos nos èducquémos, et επαιδευθημεν a la voix passiva volt dire nos fumos èducás.