Gâra de Liyon-Sant-Ègzupèri TGV
|
Cél articllo est ècrit en arpetan dârfénouès / ORB lârge. | 
|
La gâra de Liyon-Sant-Ègzupèri TGV, ancianament Satolas-TGV est na gâra fèrroviére arpitana[V 2], sur lo territouére de la comuna[V 3] de Colombiér-Sôgniô, diens[V 4] lo payis du Velin, diens lo dèpartament du Rôno, en règ·ion Ôvèrgne-Rôno-Ârpes. El dèssèrt l'aèrogâra Liyon-Sant-Ègzupèri. El est uvèrte en 1994 por la SNCF (Sociètât Nacionala des Chemins de Fèr francês) avouéc la LGV Rôno-Ârpes (second tronçon de la ligne[V 5] de granda vitessa de Paris a Marselye).
Situacion fèrroviére changiér
La gâra se trove a 229 métros de hiôtor, u pouent kilomètrico PK 409,505[1] de la ligne depués[V 6] Combs-la-Vela jusqu'a[V 7] Sant-Louis (LGV), entre-mié les gâres de Mâcon-Loché TGV et de Valence TGV.
Histouère changiér
La gâra at étâ mise en sèrviço provisouèrement por los Juès olimpicos d'Arbèrtvela, sur un tronçon a vie unica entre-mié Satolas et Sent-Quentin-Falaviér, avouéc des rames rèvèrsibles Corâly a doux niviôs por la dèssèrta des sitos olimpicos du 8 u . La gâra a uvèrt dèfinitivament en dècembro 1992, aprés l'uvèrtura du tronçon Montanê - Sent-Quentin-Falaviér.
El aviêt lo nom de Satolas-TGV a son uvèrtura, et pués at étâ renomâ[V 8] Sant-Ègzupèri TGV en jouin 2000, avouéc lo changement de nom de l'aèrogâra[2].
La gâra changiér
La gâra at étâ imaginâ[3] por l'architècto Santiago Calatrava Valls. El at la forma d'un usiô que s'envole.
La gâra comprend 5 vies : doux en trenchiê diens lo « tubo 300 » por los trens sen arrêt que povont circular jusqu'a 300 kilomètros per hora, et pués três vies latèrâles que desservont doux quês a chaque fllanc du tubo centrâl (dues[4] en direccion de la bise, yona en direccion du mié-jorn, mas y at un èspâço por rapondre un quê).
U fllanc cuchient de la gâra se trove lo Rônèxprès, uvèrt lo .
U dessus du tubo centrâl, y at na passeréla de 300 métros de long permèt d'accèdar ux quês avouéc des èscaliérs mècanicos et des ascensors.
Sèrviço ux voyagiors changiér
Dèssèrta changiér
TGV changiér
La gâra est sur lo trajèt depués Paris Gâra de Liyon, vers l'Arpitania, la Provence et pués l'Étalie (Grenoblo, Chambèri, Èneci, Modâna, Turin, Milan, Valence, Montèlimar, Ârlo, Avignon, Miramas et pués Marselye). Lo pèrmiér objectif est de fêre des correspondances avouéc los avions de l'aèrogâra et de dèchargiér la gâra de Liyon-Pârt-Diô u centro de Liyon.
Rônèxprès changiér
Depués lo , la gâra at na liyêson directa vers lo centro de Liyon, avouéc lo Rônèxprès, na ligne de tramevê que va a la gâra de Liyon-Pârt-Diô en mens de 30 minutes, avouéc doux arrèts entre-mié : Mêsiô Z.E. et Vâls-en-Velin La Sèya, avouéc des correspondances por des lignes de mètrô et de tramevê. Céta ligne est endèpendanta de la baragne TCL et at sa tarificacion propra, bien més chiére que la tarificacion TCL.
Bus changiér
La baragne TCL dèssèrt l'aèrogâra, avouéc la ligne 47 vèrs Mêsiô Z.E., Pusegnê et Sent-Lôrent-de-Mures, et la 48 vèrs Jenâs.
La ligne 47 est en correspondence avouéc lo tramevê T3 a Mêsiô Z.E., a 25 minutes de Liyon-Pârt-Diô, et avouéc lo bus 1E a Sant-Lôrent - Marèchâl Jouin, a 35 minutes du mètrô Grange Blanche.
La ligne 48 est en correspondence avouéc lo bus 28 a Jenâs.
Ces itinéréros alternatifs u Rônèxprès permetont de rejouendre lo centre de Liyon avouéc la tarificacion TCL, por bien mens chiér.
Ôtocars changiér
L'aèrogâra est pas bien reliyê por lo râly ux ôtres viles de la règ·ion, adonc y at de nombrox ôtocars que lo dèssèrvont, depués Grenoblo (la liyêson la més frèquenta), Chambèri, Chamôni, Èneci, Èx, Sant-Etiève...
Durant l'hivèrn, des liyêsons sont apondues en direccion des stacions de squi.
Notes et rèfèrences changiér
- Livre : Reinhard Douté, Les 400 profils de lignes voyageurs du réseau ferré français, édité par La Vie du Rail en août 2011, ISBN 978-2-918758-44-0, vol. 2, p. 103.
- https://web.archive.org/web/20150130172559/http://www.arte.tv/fr/architectures-satolas-tgv-un-monument-a-la-campagne/3822754,CmC=3822756.html
- Varianta dârfénouèse [i.ma.ði.ˈno] de « imaginâye » pp f.
- Varianta dârfénouèse [dɥø] de « doves » card fpl.
Vocabuléro changiér
- Varianta dârfenouèsa [y.ˈʒo] de « usél » a f.
- Varianta dârfenouèsa [ar.pi.ˈtaː.na] de « arpetana » a f.
- « comuna » [ko.ˈmy.na] f est lo parlament dârfénouês por « comena » f.
- Varianta dârfenouèsa [djɛ̃] de « dens » f.
- Varianta liyonêse [ˈli.ɲi] de « legne » f.
- Varianta dârfenouèsa [də.ˈpɥi] de « dês » prèp.
- « jusqu’a » [ʒys.ˈk‿a] loc prèp est lo parlament dârfénouês por « tant qu’a » loc prèp.
- Varianta liyonêse [rə.no.ˈmo] de « renomâye » pp f.