Coordonâs geografiques

Çl’articllo est ècrit en arpetan dombisto / ORB lârge.

Per cordonês g·eografiques (donc ben repèros g·eograficos) d'un luo sus la Tèrra, on entend un sistèmo de três cordonês que sont lo més sovent : la latituda, la longituda pués l'altituda (donc ben l'èlèvacion) comparâ avouéc lo nivô moyen de la mar (èlèvacion ortomètrica) donc ben comparâ avouéc na surface de rèfèrence, en g·ènèral èlipsoida (èlèvacion èlipsoidala).

Repèros g·eograficos sus un globo : la latituda corrèspond a la mesera de l'angllo marcâ phi (φ) ; la mesera de l'angllo marcâ lambda (λ) comparâ avouéc lo mèridien de rèfèrence balye la longituda.

Çtos repèros g·eograficos vegnont d'un sistèmo g·eodèsico que modèlise la fôrma de la Tèrra.

Por sè repèrar a la surface de la planèta, on pôt utilisar des sistèmos de reprèsentacion grafica apelâs « repèros cartograficos du payis ».