Mâcon

Cél articllo est ècrit en arpetan supradialèctâl / ORB lârge.

Mâcon [mo.ˈkɔ̃] (Mâcon en francês) est na comena francêsa et arpetana, capitâla du Mâconês et pués prèfèctura du dèpartament de Sona-et-Lêre en règ·ion Borgogne-Franche-Comtât.

Mâcon, lo pont Sant-Lôrent que cambe la Sona.

U dèrriér recensement de 2015 , la comena comptâve 33 236 habitents tandis que son sôl urben, que s’èpate dessus três dèpartaments, rassemble 101 299 habitents.

O est la 7^éma més granta vela de Borgogne-Franche-Comtât dèrriére la capitâla et ch·èf-luè règ·ionâl Dijon, Besençon, Bélfôrt, Châlon, Nevèrns, Ôçuèrro et devant la vela de Sans. La populacion de son sôl urben est cela que crêt lo més vito de la novèla règ·ion (+ 8,8 % entre-mié 1999 et 2012).

Los habitents de la vela Lamartina sont apelâs les Mâconês [le mo.ku.ˈnɑˑe] et les Mâconêses [le mo.ku.ˈnɑˑez] ou ben les Mâconiôds [le mo.ku.ˈnjo] et les Mâconiôdes [le mo.ku.ˈnjoːd].

Notes et rèferences